Құмаров Жігер Ерғалиұлы 1985 жылы 17 маусымда Ақжайық ауданы Тінәлі ауылында дүниеге келген. М.Өтемісов атындағы Батыс Қазақстан мемлекеттік университетін музыка пәнінің мұғалімі мамандығы бойынша бітірген (2002-2006ж).
2008 жылдың 19 ақпанынан бастап «Қазақстан-Орал» телеарнасында дыбыс режиссері, 2010 жылдан режиссер, қазіргі уақытта аға режиссер қызметін атқарады. Дәстүрлі ән бойынша Халықаралық, Республикалық (Қарағанды, Атырау, Алматы, Астана қалалары) конкурстардың лауреаты. 2013 жылы «Қуатты Қазақстан - 2050» телекөпіріндегі үздік режиссерлік жұмысы үшін бірінші дәрежелі дипломмен және қала әкімінің (2014), Ұлттық қауіпсіздік комитетінің (2015) дипломдарымен марапатталды.